राष्ट्रिय प्रजातन्त्र पार्टी (राप्रपा) ले काठमाडौंमा जिल्ला सभापतिहरूको भेला गरेको छ।
अध्यक्ष राजेन्द्र लिङ्देनले भेलाको उद्घाटन गरेका छन्।
उद्घाटन समारोहमा अध्यक्ष लिङ्देन, पूर्वअध्यक्ष पशुपतिशमशेर जबरा, निर्देशन समिति अध्यक्ष प्रकाशचन्द्र लोहनीले बोलेका छन्।
सचिालय प्रमुख महामन्त्री राजेन्द्र गुरूङले भेलामा उपस्थित जिल्ला अध्यक्षहरूलाई स्वागत गरेका छन्।
कार्यक्रममा बोल्दै राप्रपाका नेताहरूले राप्रपालाई अग्रणी शक्ति बनाउन सकिने बताए।
‘राप्रपा बन्छ, बनाउन सकिन्छ र हाम्रै जीवनकालमा राप्रपालाई देशको अग्रणी शक्ति बनाउने सङ्कल्प बोकेर हामी यो भेलामा छलफल केन्द्रित गर्छौं,’ प्रवक्ता मोहन श्रेष्ठले भने।
जिल्ला अध्यक्षहरूको भेला शुक्रबार सकिनेछ।
तस्बिरहरू:
