उपप्रधानमन्त्रीसमेत रहेका सहरी विकास मन्त्री प्रकाशमान सिंहले निर्माण व्यवसायीले राखेका जायज मागप्रति सकारात्मक रहेकाे बताएका छन्।
नेपाल निर्माण व्यवसायी महासंघको टोलीसँग मंगलबार कुराकानी गर्दै उनले निर्माण व्यवसायीले भाेगिरहेका समस्या समाधान गर्न सरकार गम्भीर हुने पनि बताए।
निर्माण व्यवसायीलाई पनि आयाेजनाहरू समयमै सम्पन्न गर्ने गर्न मन्त्री सिंहले आग्रह गरेको उपप्रधानमन्त्री सिंहको सचिवालयले जनाएको छ।
निर्माण व्यवसायी महासंघका अध्यक्ष रवि सिंहले अहिले निर्माण व्यवसायीले भाेगिरहेका भुक्तानीदेखि सार्वजनिक खरिद ऐनमा गर्नुपर्ने संशाेधनकाे विषयमा ध्यानाकर्षण गराएका छन्।
उपप्रधानमन्त्री सिंहले निर्माण व्यवसायीहरूले राखेका जायज माग सम्बाेधन गर्न सकारात्मक रहेकाे बताए।
