नेकपा (माओवादी केन्द्र)का अध्यक्ष पुष्पकमल दाहाल‘प्रचण्ड’ले संघीय समाजवादी फोरम नेपाललाई सरकारमा सहभागिता गराउन वार्ता अन्तिम चरणमा पुगेको जानकारी दिएका छन्।
प्रेस चौतारी र प्रेस सेन्टर नेपालले संयुक्त रुपमा नवलपरासी ( बर्दघाट–सुस्ता पश्चिम) को बर्दघाटमा योजना गरेको पत्रकार सम्मेलनमा बोल्दै उनले सो जानकारी दिएका हुन्।
अध्यक्ष दाहालले भने,‘अब सबै मिलेर देशमा चौतर्फी रूपमा समृद्धि दिन्छौँ, देशमा विकासको आवश्यकता छ, तराई मधेशमा अझ बढी विकास गर्नु बाँकी छ।’
नेकपा (एमाले) र नेकपा (माओवादी केन्द्र) दुई कम्युनिष्ट पार्टीबीचको एकता अन्तिम चरणमा पुगेको जानकारी दिँदै उनले भने, ‘अब दुवै केन्द्र भंग गरी एउटै कम्युनिष्ट पार्टी बनाएर नयाँ यात्रा तय गरिनेछ। उनले सुशासन, स्थायीत्व, विकास र समृद्धि अबको आवश्यकता रहेको बताए।
आजै अध्यक्ष दाहालले गौतम बुद्धको अष्टधातु रहेको नवलपरासीको रामग्राम स्तूपको अवलोकन गरे।
रासस
