कैलालीको गोदावरी नगरपालिकामा नेकपा माओवादी केन्द्रका प्रमुख पदका प्रत्याशी गोकर्ण भट्टको घर नजिकै गए राति बम विस्फोट भएको छ।
अत्तरिया बजारमा रहेको भट्टको घर परिसरमा राति पौने ३ बजे भएको विस्फोटबाट उनको घरका झ्यालका सिसा फुटेको र ढोकामा क्षति पुगेको जिल्ला प्रहरी कार्यालयका प्रहरी नायब उपरीक्षक वीरबहादुर बुढामगरले बताए।
विस्फोटन गराउने समूहको खोजी भइरहेको बुढाले बताए। भट्ट नेकपा माओवादी केन्द्रका केन्द्रीय नेता एवम् ७ नं प्रदेश प्रमुख लेखराज भट्टका भाइ हुन् । रासस
