बलिउडमा डेब्यु गर्नुअघि कंगनाको भेट जुहुमा एकजना व्यक्तिसँग भएको थियो। उनको जिमन्याष्टिकबाट कंगना यति प्रभावित थिइन कि पछि उनले तिनै व्यक्तिलाई गुरु बनाइन। अहिले तिनै गुरुलाई कंगनाले ३ करोड २० लाख रुपैयाँ पर्ने फ्लाट उपहार दिएकी छिन्।
कंगनाको गुरुको नाम, सूर्य नारायण सिंह हो। मिडिया रिपोर्टका अनुसार कंगनाले यो फ्लाट गुरु दक्षिणास्वरुप सिंहलाई उपहार दिएकी हुन्।
कंगनाको खराब दिनमा पनि गुरु सूर्य नारायणले पैसाको डिमान्ड गरेका थिएनन्। त्यसैले कंगनाले आफ्नो गुरुमा देखेको निस्वार्थ भावका कारण ३ करोड २० लाख पर्ने फ्लाट उपहारमा दिएको बताइएको छ।
कंगनाले यसअघि आफ्नो बहिनीलाई विवाहको उपहारस्वरुप फ्लाट नै प्रदान गरेकी थिइन्।
