वार्यन म्युनिखका पोलिस स्ट्राइकर रोबर्ट लेवान्डोस्कीले ह्याट्रिक गरेपछि विश्व कप छनोटअन्तर्गत समूह इको खेलमा पोल्यान्डले ३–१ गोलअन्तरले रोमानियालाई पराजित गरेको छ।
पोल्यान्डको पनि विश्व कप छनोटमा सतप्रतिशत नतिजा छ। ६ खेलसम्म जित हात पारेको पोलिस टोलीको १८ अंक छ र ऊ समूहको शीर्ष स्थानमा छ। पोल्यान्डसँगको पराजयपछि रोमानिया ६ अंकका साथ चौथो स्थानमा खुम्चिएको छ।
यही समूहमा रहेको मोन्टेनेग्रोले ४–१ गोलले आर्मेनियालाई पराजित गरेको छ। म्यानचेस्टर सिटीका पूर्व स्ट्राइकर स्टेभन जोभेटिकले ह्याट्रिक गरेका थिए। मोन्टेनेग्रो १० अंकका साथ दोस्रो स्थानमा छ। यो देशसँग अंक तालिकामा बराबरी रहेको डेनमार्क तेस्रो स्थानमा छ। डेनमार्कले पनि शनिवार रातीको खेलमा कजाकिस्तानलाई ३–१ गोलले पराजित गर्यो। कजाकिस्तान २ अंकका साथ पुछारमा छ।
