नेपाली कांग्रेस प्रदेश २ मा नेतृत्व चयनका लागि मतदान सम्पन्न भएको छ।
बिहीबार बिहान सवा ९ बजेदेखि सुरू भएको मतदान राति ८ बजे सम्पन्न भएको निर्वाचन समितिले जनाएको छ।
प्रदेश अधिवेशनका लागि कुल १९५१ मतदातामध्ये १८८१ जनाले मतदान गरेको निर्वाचन समितिका सदस्य विनय सिंहले जानकारी दिए।
उनका अनुसार धनुषा र महोतरीको बुथमा ४६६ मत, सिरहा र सप्तरीको बुथमा ४६५, सर्लाही र रौतहटको बुथमा ४८२ र बारा र पर्साको बुथमा ४६८ मत खसेको हो।
मतदान सकेर अहिले मुचुल्का उठाउने काम भइरहेको र राति ११ बजेदेखि मतगनणा सुरू हुने सिंहले बताए।
