कांग्रेस सभापतिमा उम्मेदवारी घोषणा गर्न लागेका प्रकाशमान सिंहको कार्यक्रममा नेतृ सुजाता कोइराला देखिएकी छिन्।
नेतृ कोइरालाले आफू उपसभापतिमा उठ्ने घोषणा पनि गरेकी छिन्।
सिंहको सचिवालयले कोइराला सिंहको टिमबाट उपसभापति उठ्ने दाबी गरेको छ।
यलम्बर पार्टी प्यालेसमा नेतृ कोइराला सिंहसँगै देखिएकी हुन्। सिंहले शनिबार नै आफूसहितको प्यानल घोषणा गर्न लागेका छन्।
नेता शेखर कोइराला सभापतिका लागि उम्मेदवारी दिने तयारी गरिरहँदा कोइराला परिवारभित्रकै सदस्य सुजाता भने सिंहको समूहमा देखिएकी हुन्।
वरिष्ठ नेता रामचन्द्र पौडेल समूहले हालसम्म सभापतिमा साझा उम्मेदवार छान्न सकेको छैन।
