नेपाली कांग्रेस प्रदेश नम्बर १ को सभापतिमा उद्धव थापा निर्वाचित भएका छन्।
पूर्वमहामन्त्री कृष्णप्रसाद सिटौला पक्षका थापालाई सभापति शेरबहादुर देउवा पक्षले पनि समर्थन गरेका थिए।
सभापतिमा निर्वाचित थापाले ८४४ मत ल्याएका थिए।
सभापतिका अर्का उम्मेदवार केन्द्रीय सदस्य गुरूराज घिमिरे पराजित भएका छन्। उनी २ मतअन्तरले पराजित भएका हुन्। घिमिरले ८४२ मत ल्याएका थिए।
सभापतिसहित अधिकांश पदमा देउवा-सिटौला पक्षले जितेको छ।
उपसभापतिमा रमेशजंग रायमाझी र टंकप्रसाद राई निर्वाचित भएका छन्।
महामन्त्रीमा भूपेन्द्र राई र उमेश थापा निर्वाचित भए। थापा वरिष्ठ नेता रामचन्द्र पौडेल पक्षका मानिन्छन्।
सहमहामन्त्रीमा प्रमिला गच्छदार, खङ्ग फागो र बिनोदकुमार बस्नेत निर्वाचित भएका छन्। यहाँ जम्मा एक हजार ७ सय ५२ मत खसेको थियो।
यसैबीच सभापतिका उम्मेदवार घिमिरे पक्षले फेरि मतगणनाको माग गरेका छन्। पुन: मतगणना माग भएकोले निर्वाचन समितिले औपचारिक घोषणा गरेको छैन।
