नेपाली कांग्रेस सोलुखुम्बु सभापतिमा नाम्गेल जाङ्बु शेर्पा निर्वाचित भएका छन्।
शेर्पाले पाँच सय १३ मत ल्याएर सभापति निर्वाचित भएका हुन्। उनी सभापति शेरबहादुर देउवानिकट मानिन्छन्।
सभापतिका अर्का उम्मेदवार विनोद बस्नेतले जम्मा तीन सय ७१ मतमात्रै ल्याएका थिए। बस्नेत निवर्तमान सभापति हुन्।
सभापतिमा निर्वाचित शेर्पा भने सोलुदूधकुण्ड नगरपालिकाका मेयर पनि हुन्।
सोलुखुम्बुमा आठ सय ९७ मत खसेको थियो। पहिलो चरणमा कुनै पनि उम्मेदवारले ५१ प्रतिशत मत नल्याएपछि दोस्रो चरणमा मतदान गरिएको थियो।
