नेपाल वायुसेवा निगम र निजी क्षेत्रका राष्ट्रिय संस्थाहरूबीच साझेदारीका लागि हस्ताक्षर भएको छ।
बिहीबार निगम र नेपाल चेम्बर अफ कमर्स, राष्ट्रिय व्यवसायी पहल, नेपाल युवा उद्यमी मञ्च र नेपाल उद्योग परिसंघ युवा उद्यमी कोशी प्रदेशसँग साझेदारीका लागि हस्ताक्षर भएको हो।
साझेदारी पत्रमा निगमको तर्फबाट अध्यक्ष युवराज अधिकारी र निजी क्षेत्रका संस्थाका अध्यक्षहरूबीच निगमसँग सहकार्य र साझेदारी गर्ने गरी हस्ताक्षर गरेका हुन्।
सम्झौतामा उक्त संस्थामा आवद्ध पदाधिकारी, सदस्यहरू, कर्मचारी र परिवारले यात्रा गर्दा नेपाल एयरलाइन्सबाट उडान गर्ने र उक्त संस्थाले आयोजना गर्ने राष्ट्रिय र अन्तर्राष्ट्रिय कार्यक्रमहरूमा निगमको प्रवर्द्धन गर्नु पर्नेछ।
यसका लागि निगमले भाडादरमा १५ प्रतिशत छुट दिनेछ।
