बाढीपहिरोले बिपी राजमार्गको १२ किमी सडकमा क्षति पुर्याएको छ।
भौतिक पूर्वाधार तथा यातायात मन्त्रालयका अनुसार चौकीडाँडा-कालढुङ्गा १८ किमी सडकमध्ये १२ किमी सडक पूर्ण रूपमा क्षति छ।
मन्त्रालयले बिहीबार पत्रकार सम्मेलन गरी बिपी राजमार्गको १२ किमी सडक बगेको जानकारी दिएको हो। यी सडकका बीच-बीचमा सवारी साधन रोकिएको अवस्था छ।
दुवैतर्फ पहिरो हटाउने काम सुरू गरे पनि दसैंअघि सडक पूर्ण रूपमा सञ्चालनमा आउन मुश्किल छ।
काभ्रेपलाञ्चोकको नमोबुद्ध नगरपालिका वडा नम्बर ६ चौकीडाँडास्थित रोशीखोलामा गएको बाढीले बिपी राजमार्गका सडकमा क्षति पुर्याएको हो।
असोज १० देखि १२ गतेसम्म परेको वर्षाले धुलिखेलबाट भकुण्डे हुँदै नेपालथोक जाने सडकखण्डमा पनि क्षति पुर्याएको छ।
