तिहार नजिकिएसँगै अब शनिबार पनि सुन पसल खुल्ने भएको छ। तिहारमा सुनचाँदीको माग हुने भएकाले कारोबार खुला गरिने नेपाल सुनचाँदी व्यवसायी महासंघका उपाध्यक्ष धर्म सुन्दर बज्राचार्यले जानकारी दिए।
‘तिहार नजिकिएकाले हामीले हिजो शनिबार पनि पसल खोल्यौं,’ उनले भने।
उनका अनुसार आगामी शनिबार पनि धनतेरस भएकाले कारोबार खुला हुनेछ। त्यसपछि भने पुरानै नियम अनुसार कारोबार हुनेछ।
‘तिहार भएकाले मात्रै शनिबार कारोबार खोलेका हौं,’ उनले भने, ‘तिहार सकिएपछि शनिबार कारोबार हुँदैन।’
आगामी शनिबार कात्तिक एक गते धनतेरस पनि पर्ने भएकोले सुनचाँदीको पसल खुला रहने भएको हो।
यो दिन तामा, पित्तल र काँशका भाँडा तथा सुनचाँदीका गहना बनाउने चलन हुन्छ। यही कारण पनि सुनचाँदीका पसलमा ग्राहकको भीडभाड रहन्छ।
यसदिन यस्ता सामान किन्दा त्यसले शुभफल दिने, टिकाउ र नाफा दिने जनविश्वास छ।
स्थानीय बजारमा आइतबार सुन प्रतितोला दुई लाख ३८ हजार रूपैयाँमा कारोबार भइरहेकाे छ। त्यस्तै, तीन हजार एक सय २५ रूपैयाँमा कारोबार भइरहेको छ।
-1746009348.jpg)
