सामसङको बुहुप्रतिक्षित स्मार्टफोन एस–२५ सिरिज नेपालमा प्रि–बुकिङ सुरू भएको छ।
बिहीबार काठमाडौंमा आयोजित एक कार्यक्रममा पूर्व मिस नेपाल अश्मी श्रेष्ठ र सामसङ नेपालका निर्देशक प्रणय रत्न स्थापितले उक्त सिरिज सार्वजनिक गरेका हुन्।
यो सिरिजमा ग्यालेक्सी एस–२५, एस–२५ प्लस र एस–२५ अल्ट्रा भेरियन्ट रहेका छन्।
प्रि–बुकिङ आज (बिहीबार) देखि फेब्रुअरी १३ (फागुन १ गते) सम्म गर्न सकिनेछ।
प्रि–अर्डर गर्ने ग्राहकहरूले फ्री मेमोरी अपग्रेड (१२/२५६ जिबीबाट १२/५१२ जिबी) गर्न पाउँनेछन्।
वा, ३१ हजार ९९९ रूपैयाँ पर्ने ग्यालेक्सी बड्स थ्री प्रो मात्र १४ हजार ९९९ रूपैयाँमा पाउनेछन्। साथै तीन हजार ३९९ रूपैयाँ पर्ने सिलिकन कभर एक हजार पाँच सय रूपैयाँ किन्न सकिने बताइएको छ।
ग्यालेक्सी एस–२५
६.२ इञ्च डिस्प्ले भएको यो फोनमा फोनको पछाडि भागमा तीन वटा क्यामेरा जडान गरिएको छ।
जसमा मुख्य क्यामेरा ५० मेगापिक्सेल, १० मेगापिक्सेल टेलिफोटो र १२ मेगापिक्सेल अल्ट्रावाइड क्यामेरा छ।
त्यस्तै, सेल्फी लिनको लागि १२ मेगापिक्सेल वाइड क्यामेरा छ। फोनको सुरक्षाको लागि फिंगरप्रिन्ट सुविधा दिइएको छ। यो फोनमा ग्राहकले ४ हजार एमएएच ब्याट्री पाउँछन्।
यो फोन १२/२५६ जिबी र १२/१२८ जिबी क्षमतामा पाइनेछ।
फोनको मूल्य क्रमशः एक लाख १४ हजार ९९९ रूपैयाँ र एक लाख ४ हजार ९९९ रूपैयाँ हुनेछ। यो फोन आइसी ब्लू (निलो) र सिल्भर स्याडो रंगमा उपलब्ध हुनेछ।
एस–२५ प्लस
६.७ इञ्च डिस्प्ले भएको यो फोनमा फोनको पछाडि भागमा तीन वटा क्यामेरा जडान गरिएको छ।
जसमा मुख्य क्यामेरा ५० मेगापिक्सेल, १० मेगापिक्सेल टेलिफोटो र १२ मेगापिक्सेल अल्ट्रावाइड क्यामेरा छ।
त्यस्तै, सेल्फी लिनको लागि १२ मेगापिक्सेल वाइड क्यामेरा छ। फोनको सुरक्षाको लागि फिंगरप्रिन्ट सुविधा दिइएको छ।
यो फोनमा ग्राहकले ४ हजार ९ सय एमएएच ब्याट्री पाउँछन्।
ग्यालेक्सी एस २५ प्लस १२/२५६ जिबीको मूल्य एक लाख ४१ हजार ९९९ रूपैयाँ तोकिएको छ। ग्राहकले यो फोन नेभी र सिल्भर स्याडो रंगमा पाउनेछन्।
एस–२५ अल्ट्रा
६.९ इञ्च डिस्प्ले भएको यो फोनको पछाडि भागमा चार वटा क्यामेरा जडान गरिएको छ।
जसमा मुख्य क्यामेरा २०० मेगापिक्सेल, ५० मेगापिक्सेल पेरिस्कोप टेलिफोटो, १० मेगापिक्सेल टेलिफोटो र ५० मेगापिक्सेल अल्ट्रावाइड क्यामेरा छ।
त्यस्तै, सेल्फी लिनको लागि १२ मेगापिक्सेल वाइड क्यामेरा छ। फोनको सुरक्षाको लागि फिंगरप्रिन्ट सुविधा दिइएको छ। यो फोनमा ग्राहकले ५ हजार एमएएच ब्याट्री पाउँछन्।
ग्यालेक्सी एस २५ अल्ट्रा १२/५१२ जिबीको मूल्य एक लाख ९९ हजार ९९९ रूपैयाँ र १२/२५६ जिबीको मूल्य एक लाख ८४ हजार ९९९ रूपैयाँ तोकिएको छ।
यो फोन टाइटानियम सिल्भर ब्लू (निलो), टाइटानियम ह्वाइटसिल्भर र टाइटानियम ब्ल्याक (कालो) रंगमा उपलब्ध छ।
