चिनियाँ मोबाइल कम्पनी भिभोको बहुप्रतिक्षित सिरिज भिभो भि–५० भारतीय बजारमा सार्वजनिक हुने भएको छ।
आगामी महिना फेब्रुअरीमा सार्वजनिक हुने भारतीय सञ्चार माध्यहरूले उल्लेख गरेका छन्।
भिभोको यो सिरिज भर्खरै चीनमा सार्वजनिक भएको थियो।
भिभो भि सिरिजमा भिभो भि–५०, भि–५० प्रो भारतमा सार्वजनिक गर्ने तयारी गरिएको छ। यो वर्ष भिभो भि–५० सार्वजनिक हुनेछ भने भि–५० प्रो आगामी वर्ष मात्रै सार्वजनिक हुने अनुमान गरिएको छ।
यो तीन वटा रङमा उपलब्ध हुनेछ।
यसमा स्न्यापड्रयागन ७ जेन–३ प्रोसेसर हुने अनुमान गरिएको छ। यो फोन १२ जिबी र्याम र ५१२ जिबी स्टोरेजमा उपलब्ध हुनेछ। यो फोनको मूल्य भारू ३० हजार पर्ने अनुमान गरिएको छ।
नेपाली बजारमा पनि भिभो फोनको माग उच्च छ। भिभो भि–५० सिरिज नेपाली बजारमा पनि मार्चभित्रै ल्याउने तयारी गरिएको भिभो नेपालका ब्राण्ड सुपरभाइजर दिपेश खनालले जानकारी दिए।
