एनसेल फाउन्डेसनले सामाजिक विकासका कार्यहरू गर्नका लागि आवेदन खुला गरेको छ।
एनसेलको १९औं वार्षिकोत्सवको अवसरमा घोषणा गरिएको 'नाइन्टिन फर नाइन्टिन' पहल अन्तर्गत समुदायमा अर्थपूर्ण र दिगो प्रभाव पार्ने परियोजनाहरू कार्यन्वयन गर्न फाउन्डेसनले योग्य संस्थाहरूलाई अनुदानको लागि आवेदन माग गरेको हो।
गतवर्ष १८औं वार्षिकोत्सवको अवसरमा सुरू गरिएको 'एटिन फर एटिन' कार्यक्रम अन्तर्गतका परियोजनाहरू प्रदेश स्तरमा सञ्चालनमा रहेका छन्।
यस वर्षको 'नाइन्टिन फर नाइन्टिन' अनुदानले एनसेल फाउन्डेसन स्थानीय समुदायहरूलाई सशक्त बनाउन समर्पित रहेको प्रतिबद्धतालाई पुष्टि गर्छ।
यस पहल अन्तर्गत स्वास्थ्य, शिक्षा, वातावरण, विपद् तयारी तथा प्रतिकार्य, जीविकोपार्जन सहयोग लगायतका क्षेत्रमा परियोजनाहरू लागू गरिनेछन्।
'नाइन्टिन फर नाइन्टिन' पहल अन्तर्गत सात प्रदेशमा कुल १९ वटा परियोजना छानिने छन् र छनौटमा परेका प्रत्येक एक परियोजनालाई १० लाख रूपैयाँ अनुदान प्रदान गरिनेछ।
यस पहलका लागि कुल योगदान १ करोड ९० लाख रूपैयाँको हुनेछ।
एनसेल फाउन्डेसनले गैर–नाफामूलक स्थानीय संघसंस्थाहरूलाई उनीहरूले कार्य गरिरहेका क्षेत्रमा रहेका चुनौतीहरू तथा समस्या समाधान गर्न अनुदान अर्थात परियोजना प्रस्ताव पेस गर्न आमन्त्रण गरेको हो।
यस पहलले दिगो र दीर्घकालीन विकासलाई प्रोत्साहन गर्ने परियोजनाहरूलाई सहयोग गर्न ठूलो महत्व राख्दछ। एनसेल फाउन्डेसनले स्पष्ट उद्देश्य, समुदायको सक्रिय सहभागिता र परियोजनाको प्रभाव विस्तार हुने सम्भावना भएका परियोजनाहरूलाई प्राथमिकता दिनेछ।
'एनसेल फाउन्डेसनमा हामी अर्थपूर्ण परियोजना मार्फत समुदायको विकास र परिवर्तनमा विश्वास गर्दछौं। हामी सामुदाय स्तरमा काम गरिरहेका संघ संस्थाहरूलाई यस परियोजनाको लागि आवेदन दिन प्रोत्साहन गर्दछौं,' एनसेलकी कर्पोरेट कम्युनिकेसन र सिएसआर प्रमुख विशाखा लक्ष्मी खड्काले भनिन्।
'नाइन्टिन फर नाइन्टिन पहल मार्फत, हामी झण्डै दुई दशकदेखि हाम्रो यात्रामा साथदिने हाम्रा समुदायहरूलाई लाभ हुने खालको सामाजिक परियोजनाहरू कार्यन्वयन गर्न प्रतिबद्ध छौं। यो पहलले स्थानीय स्तरमा महत्त्वपूर्ण र दिगो परिवर्तनहरू ल्याउन मद्दत पुर्याउने विश्वास लिएका छौं,' उनले थपिन्।
गत वर्षको 'एटिन फर एटिन' पहलले देशभर विभिन्न सामाजिक परियोजनाहरू सञ्चालन गर्न सहयोग गरेको छ। यस वर्षका परियोजनाहरूले समुदायलाई सशक्त बनाउँदै दिगो विकास लक्ष्यका उद्देश्यहरू हाषिल गर्न लागि योगदान पुर्याउने उद्देश्य राखेको छ।
अनुदान अर्थात परियोजना प्रस्तावका लागि आवेदन दिन इच्छुक योग्य संघसंस्थाहरूले एनसेल फाउन्डेसनको वेबसाइट मा 'एप्लाई फर ग्रान्ट'मा क्लिक गरेर आवेदन दिन सक्नेछन्।
