ग्लोबल टेक्नोलोजी लिडर शाओमीले यो वर्षको दसैंलाई अझ रोमाञ्चक बनाउन नयाँ क्याम्पेन 'दसैंको बहार, हरेक दिन थाइल्यान्ड ट्रिप उपहार' घोषणा गरेको छ।
यस क्याम्पेनमा ग्राहकले कुनै पनि शाओमी वा रेड्मी ब्रान्डका स्मार्टफोनको खरिदमा दैनिक पुरस्कार जित्ने मौका पाउनेछन्।
यस क्याम्पेन अन्तर्गत हरेक दिन पाँच जना भाग्यशाली विजेताहरूले रेड्मी बड्स ५ ए जित्नेछन् भने चार जना विजेताहरूले रेड्मी वाच ५ एक्टिभ जित्नेछन्।
यस क्याम्पेनको मुख्य आकर्षण हरेक दिन एक जना भाग्यशाली विजेतालाई थाइल्यान्ड ट्रिप रहेको छ।
यस अफरमा सहभागी हुनका लागि ग्राहकहरूले असोज १५ गतेदेखि असोज २४ सम्मका कुनै पनि शाओमी वा रेड्मी ब्राण्डका स्मार्टफोन खरिद गर्नुपर्नेछ भने खरिदपछि उक्त स्मार्टफोनको आइएमइआई वान नम्बरलाई ३६००० मा एसएमएस पठाउनु पर्नेछ।
एसएमएस पठाउँदा एमआई स्पेस आइएमइआई १ नम्बर टाइप गरी ३६००० मा पठाउनु पर्नेछ।
शाओमी नेपालका कन्ट्री जनरल म्यानेजर मनु मनास्वीले भने, 'हामी यस दसैंको उत्सवलाई अझ विशेष बनाउन 'दसैंको बहार, हरेक दिन थाइल्यान्ड ट्रिप उपहार' क्याम्पेन ल्याउँदा अत्यन्त उत्साहित छौं। यसले हाम्रा ग्राहकहरूलाई रोमाञ्चक पुरस्कारहरूका साथै थाइल्यान्ड यात्रा गर्ने अवसर पनि प्रदान गर्नेछ।'
साथै ग्राहकहरूले आफ्ना लेटेस्ट मोडेलहरूको खरिदमा ४ हजार रूपैयाँसम्मको छुट पाउन सक्ने कम्पनीले बताएको छ।
उक्त अफर भदौ ३० गतेदेखि कात्तिक ३० गतेसम्म लागु हुनेछ।
