चन्द्रागिरि हिल्स र टर्किस एयरलाइन्सबीच टिकट खरिदमा छुट लिने दिने सम्झौता भएको छ।
सम्झौता पत्रमा चन्द्रागिरिका तर्फबाट महाप्रवन्धक अभिषेक विक्रम शाह र टर्किसका तर्फबाट अबदुल्हा तुन्सेर केसेचीले हस्ताक्षर गरे।
सम्झौता अनुसार चन्द्रागिरि हिल्समा कार्यरत कर्मचारीले टर्किस एयरलाइन्सको सेवामा छुट पाउने छन् भने टर्किस एयरलाइन्सका कर्मचारीले चन्द्रागिरि हिल्सको टिकटमा छुट पाउने छन्।
त्यस्तै टर्किस एयरलाइन्सका यात्रुले पनि चन्द्रागिरीमा छुट पाउने र चन्द्रागिरिका आगन्तुकले टर्किसमार्फत यात्रा गर्दा छुट पाउने हिल्सले जनाएको छ। कर्मचारीको हकमा दुवै तर्फको टिकट खरिदमा परिचपय पत्र र यात्रुको हकमा यात्रा अवधिको बोर्डिङ पास र टिकट देखाउनुपर्ने बताइएको छ।
टर्किस एयरलाइन्ससँग अहिले २५१ अन्तर्राष्ट्रिय जहाज छन् भने विश्वका ३ सय गन्तव्यमा उडान भर्दै आएको छ।
