आगामी भदौको लागि बैंकहरूले मुद्दती निक्षेप व्याजदर सामान्य घटाएका छन्।
साउनका लागि वाणिज्य बैंकहरूले मुद्दती निक्षेपमा औसत ६.६७ प्रतिशत ब्याजदर दिइरहेकामा यस्तो ब्याजदर घटेको हो।
बैंकहरूले भदौका लागि प्रस्ताव गरेको औसत ब्याजदर ६.४६ प्रतिशत छ। दुई बैंकले भने व्याजदर बढाएका छन्।
हिमालयन र प्राइम कमर्सियल बैंकको ब्याजदर सामान्य बढेको छ।
हिमालयन बैंकले ६.२५ बाट बढाएर ब्याजदर सात प्रतिशत र प्राइमले ६.५ प्रतिशतबाट बढाएर सात प्रतिशत बनाएको छ।
अहिले सबैभन्दा धेरै ब्याजदर एनएमबी र एनआइसी एशिया बैंकले दिने भएका छन्।
बैंकहरूले व्यक्तिगत मुद्दती निक्षेपमा अधिकतम ७.४१ प्रतिशतसम्म ब्याज दर दिने भएका हुन्। साउनमा पनि कर्जाको वृद्धिदर समान्य रहेपछि बैंकहरूले लागत घटाउन निक्षेपको ब्याजदर घटाएका हुन्।
बैंकहरूले साधारण बचतको व्याजदर न्युनतम ३ प्रतिशतसम्म पनि दिइरहेका छन्। यो दर ३ प्रतिशत प्रतिशतसम्म छ।
बैंकहरूले अहिले कर्जा लगानी नभएको कारण राष्ट्र बैंकमा राख्ने रकममा समेत ३ प्रतिशतदेखि ५.४१ प्रतिशतसम्म छ।
| बैंक | भदौंको लागि ब्याजदर (प्रतिशतमा) | साउनको लागि ब्याजदर (प्रतिशतमा) |
| एनएमबी | ७.४१ | ७.५३ |
| एनआइसी एसिया | ७.४१ | ७.५३ |
| सिटिजन्स बैंक | ६.७५ | ६.७५ |
| हिमालयन बैंक | ७ | ६.२५ |
| माछापुच्छ्रे बैंक | ६.५ | ७ |
| नबिल बैंक | ७ | ७ |
| सिद्धार्थ बैंक | ६.५ | ६.७५ |
| प्राइम कमर्सियल | ६.७५ | ६.५ |
| सानिमा बैंक | ६.२ | ६.४ |
| प्रभु बैंक | ६ | ७ |
| लक्ष्मी सनराइज बैंक | ५.५ | ६.५ |
| ग्लोबल आइएमई बैंक | ६.२५ | ६.२५ |
| स्ट्यान्डर्ड चार्टर्ड बैंक | ७ | ७ |
| एभरेष्ट बैंक | ६.३ | ६.३ |
| नेपाल इन्भेष्टमेन्ट बैंक | ६.५ | ७ |
| नेपाल बैंक | ५.२५ | ६.२५ |
| राष्ट्रिय वाणिज्य बैंक | ६.०७ | ६.२१ |
| नेपाल एसबिआई बैंक | ६.३ | ६.३ |
| कृषि विकास बैंक | ६.०५ | ६.२९ |
| औसत | ६.४६ | ६.६७ |
