‘छक्का पन्जा ५’ अस्ट्रेलियाको बक्स अफिस अन्तर्गत ५० बढी हलमा रिलिज हुने भएको छ।
अस्ट्रेलियामा यसअघि फिल्मको हल भाडामा लिएर प्रदर्शन गर्दै आए पनि फूलपातीको अवसर पारेर विश्वव्यापी रिलिज हुन लागेको फिल्म छक्का पञ्जा ५ बक्स अफिस अन्तर्गत रिलिज हुन लागेको हो।
अस्ट्रेलियामा रहेका नेपालीको सहजता र सुझावलाई ध्यानमा राखेर ‘छक्का पन्जा – ५’ बक्स अफिस रिलिज गर्न लागिएको फिल्मको अस्ट्रेलिया प्रदर्शनको जिम्मा पाएको नमस्ते इन्टरटेन्मेन्टले जनाएको छ।
नमस्तेले यसअघि अनमोल केसी अभिनित फिल्म ‘फर्की फर्की’ पनि बक्स अफिसमा रिलिज गरेको थियो।
फिल्म रिलिजका लागि नमस्ते इन्टरटेन्मेन्टसँग रगडेल ब्वायज, ग्रिस इन्टरटेन्मेन्टले सहकार्य गरेका छन्।
विदेशी फिल्म प्रदर्शन इभेन्ट सिनेमाज, होयट्स, भिलेज सिनेमाज,रिडिङ सिनेमाज र स्टेट सिनेमाज लगायत अस्ट्रेलियाका महँगा र सुविधा सम्पन्न हलमा यो फिल्म प्रदर्शन हुनेछ।
‘छक्का पन्जा– ५’ दीपाश्री निरौलाले निर्देशन गरेकी हुन्। फिल्ममा दीपकराज गिरी, दीपाश्री निरौला, केदार घिमिरे, वर्षा शिवाकोटी, मेक्सम गौडेल, राजाराम पौडेल, रमेश बुढाथोकी लगायतको अभिनय छ।
