क्यानबेरा नेप्लिज क्रिकेट क्लब (सिएनसिसी) स्थानीय लिग क्रिकेटको फाइनलमा पुगेको छ।
डिभिजन २ को सेमिफाइनलमा क्यानबेराको स्थानीय क्विनवियन टिमलाई ४३ रनले हराउँदै सिएनसिसी फाइनलमा पुगेको थियो। फाइनलमा सिएनसिसीले शनिबार लायन्स क्रिकेट क्लब क्यानबेराको सामना गर्ने छ।
‘यो महत्वपूर्ण अवसर पनि हो र पहिलो पटक नेपाली टिम फाइनलमा पुगेको छ’, सिएनसिसीका कप्तान प्रेम चौधरीले भने।
क्यानबेराका चिसो मौसमा पनि हरेक विकेन्ड क्रिकेटमा रमाउने खेलाडीहरूको समूहले यसलाई केही वर्षअघि यो क्लबको परिकल्पना गरेका थिए। तर अहिले तीन वर्षको अन्तरालमै क्लबले यस सिजनको क्यानबेराको डिभिजन २ को फाइनलमा स्थान बनाइसकेको छ।
क्यानबेरा नेप्लिज क्रिकेट क्लबमा प्रशान्त विष्ट, आशिष देवकोटा,वसन्त भट्ट, सन्जय भट्ट, विनय कार्की, अर्जुन केसी , साहिल श्रेष्ठ, विकल शाही,कुसु कलवार र सफल घिमिरे र असिम सुवेदी रहेका छन्।
