राइट एण्ड एशोसिएट्स तथा बिएमडब्लु एजुकेशनको संयुक्त प्रस्तुतिमा नेपालको लोकप्रिय टेलिभिजन रियालीटी शो 'द भ्वाइस अफ नेपाल'का प्रमुख कलाकारहरु शुक्रबार आयोजना हुने कार्यक्रमका लागि सिड्नी आइपुगेका छन ।
अस्ट्रेलिया भ्रमणका दौरान पहिलो प्रस्तुति सिड्नी शहरमा आउँदो मे १७ तारिख शुक्रबार शार्क होटलमा आयोजना हुने जानकारी बुधबार पत्रकार सम्मेलनमा जानकारी दिइएको छ । कार्यक्रममा रियालीटी शोका विजेता,उपविजेता लगायत प्रमुख छ कलाकारहरु सी डी विजय अधिकारीका साथमा कुशल आचार्य, श्रिजय थपलिया, सप्तक दुतराज, सुरेखा क्षेत्री तथा श्रेया राइको दमदार प्रस्तुति रहने आयोजक बिएमडब्लु इभेन्टले जनाएको छ ।
कार्यक्रमको संचालन चर्चित युवा तथा अनुभुवी कार्यक्रम संचालक सुशील नेपालले गर्ने छन । नेपालवाट आउने कलाकारहरुका साथै अस्ट्रेलियामा रहेका स्थानिय कलाकारहरुको पनि प्रस्तुती रहने छ । सिडनीमा रहेका कलाकारहरु नितीन थापा,मेघना ज्ञवालीलगायतले कार्यक्रममा आआफ्नो प्रस्तुती दिने भएका छन ।
पत्रकार सम्मेलनमा अतिथीका रुपमा बोल्दै राइट एन्ड एशोसियट्सका पीआर अधिकारीले शैक्षिक परामर्शको उद्योगले बिदेशमा नेपाली कला संस्कृती जोगाउन सहयोगी भुमिका निर्वाह गरेको सुनाए । यसले विध्यार्थीहरुलाई वैदेशिक शिक्षा मात्र नभइ मुलुकको कला संस्कृति र भाषाको जर्गेना गर्ने काम पनि गरेको छ ।
भ्वाइस अफ नेपाल सांगितीक क्षेत्रको एउटा महत्वपुर्ण प्लेटफर्म भएकोले यसले नेपाली गीत संगीतको बिकासमा महत्वपुर्ण भुमिका खेलेको राइट एन्ड एशोसियट्सका निर्देशक बालचन्द्र भट्टराइले बताए । उनले नेपाली कला संस्कृति र पहिचान जोगाउने अभियानमा राइट एन्ड एशोसियट्स सधै अग्रस्थानमा रहेको समेत बताए ।
कार्यक्रमका विशेष अतिथिका रुपमा काउन्सिल अफ इन्टरनेशनल स्टुडेन्ट्स अफ अस्ट्रेलियाका अध्यक्ष विजय सापकोटाले गीत संगीत मानिसको जिवनको अभिन्न अंग भैसकेको र आधुनिक विश्वमा यसको प्रभाव महत्वपुर्ण रहेको बताए ।
कार्यक्रममा प्रायोजककातर्फवाट बिएमडब्लुका मणी सिलवालले भ्वाइसका कलाकारलाई सिड्नीमा स्वागत गर्न पाउनु खुसीको बिषय बनेको बताए ।
कार्यक्रम निर्माता सुशिल नेपालले भ्वाइसको सिड्नी आगमन महत्वपुर्ण रहेको र दर्शकको रोजाइ अनुरुप भरपुर मनोरन्जन प्रदान गर्ने कुरामा आफु विश्वस्त रहेको बताए । सुशिलले दर्शकहरुलाई शुक्रबार शार्क होटल आएर कलाकारको हौसला बढाइदिन आग्रह समेत गरे ।
कार्यक्रम को तयारी पुरा भइसकेको र दर्शकले 'द भ्वाइस अफ नेपाल'लाई रुचाउने विश्वास लिएको अस्ट्रेलिया २०१९ टुर, सिड्नीका कार्यक्रम संयोजक दिवश पोखरेलले सुनाए।
कार्यक्रम सिड्नीका साथ साथै अष्ट्रेलियाका तास्मनिया, क्यानबेरा, मेलबर्नमा कार्यक्रम आयोजना हुने बिएमडब्लु इभेन्ट्ले जनाएको छ ।
