जारी विश्वकपमा लगालग विपक्षी टोलीको विकेट लिएर चर्चामा छन् जसप्रीत बुमराह।
बलिङका लागि प्रशंसा बटुलिरहेका बुमराहले विकेटसँगै एक सुन्दरी अभिनेत्रीको दिल लिएको खबर पनि सार्वजनिक भएको छ।
समाचारका अनुसार विपक्षी टोलीका ब्याट्स्म्याहरूलाई आफ्नो घातक बलिङबाट बोल्ड गर्ने बुमराह दक्षिण भारतीय अभिनेत्री अनुपमा परमेश्वरनको मायामा बोल्ड भएका छन्।
बुमराहले यसलाई अस्वीकार गर्दै आएका भएपनि अनुपमाको एक अन्तरवार्ताबाट उनीहरूबीच मायाप्रितीको रहेको संकेत मिलेको छ। सो अन्तरवार्तामा उनले बुमराह र आफूले एकअर्कालाई डेट गरिरहेको भन्ने कुरामा कुनै सत्यता नरहेको तर आफूहरू राम्रो साथीहरू भएको बताइन।
त्यसैगरी उनले सो क्रममा मौका मिल्दा भेट्ने गरेको भने स्वीकार गरिन्।
अनुपमाले यस्तो स्वीकारोक्ती र विगतमा अन्य क्रिकेटर नायिकाहरूसँग नाम जोडिदा उनीहरूले राम्रो साथी भन्ने तर पछि विवाह गरेका थुप्रै उदाहरण भएकाले धेरैको अनुमान छ, बुमराह र अनुपमाले ढाँटिरहेका छन्।
अनुपमाले अन्तरवार्तामा आफूहरूको व्यवसायिक क्षेत्रमा यस्ता हल्लाहरू चलिरहने हुनाले त्यसमा आफूलाई केहि नयाँ नलागेको बताइन्।
यसअघि बुमराहको नाम राशि खन्नासँग जोडिएको थियो। सो समाचार बाहिरिएपछि प्रतिक्रिया दिदैं राशीले आफूलाई बुमराह क्रिकेटर भएको ज्ञात भएपनि व्यक्तिगतरूपमा नचिनेको र भेटसमेत नभएको भन्दै समाचारको खण्डन गरेकी थिइन्।
नयाँ प्रेमप्रसँगमा अनुपमाको भनाइ सार्वजनिक भएपनि बुमराहको भने कुनै प्रतिक्रिया हालसम्म आएको छैन।
