पछिल्लो समय बलिउडमा प्रेमी जोडीका रूपमा चर्चा बटुल्दै आएका टाइगर श्राफ र दिशा पटानी अलग भएको खबर सार्वजनिक भएको छ।
बलिउड समाचार लेख्ने पिकं भिलामा प्रकाशित समाचारका अनुसार दुबै जना सहमतिमा छुटिएका हुन्। उनीहरूले प्रेमलाई विराम दिदैं मित्रतालाई मात्र निरन्तरता दिने निर्णयमा पुगेको खबर सो साइटले प्रकाशित गरेको छ।
यो जोडी पछिल्लो ३ वर्षदेखी एकसाथ थियो। टाइगरका बाबु ज्याकीले पनि उनीहरूको प्रेमलाई स्वीकार गरेका थिए।
सो साइटका अनुसार पछिल्लो केहि सातादेखि दिशा र टाइगरको सम्बन्धमा फाटो आइरहेको थियो।
उनीहरू छुट्नुको पछाडि टाइगरको अभिनेत्री तारा सुतारियासँगको निटकता र दिशाको आदित्य ठाकरेसँगको बढ्दो मित्रतालाई मानिएको छ।
हाल दिशा 'मलंग'को सुटिङमा व्यस्त छिन् भने टाइगर पनि ऋतिक रोशनसँगको एक सिनेममा व्यस्त छन्।
दुबैले आफ्नो पछिल्लो सम्बन्धका बारेमा औपचारिक प्रतिक्रिया जनाएका छैनन्।
