इण्डियन प्रिमियर लिग रोमाञ्चक क्रिकेटका लागि मात्र नभई आफ्नो ग्ल्यामरका लागि पनि उत्तिकै चर्चित रहेको छ। भर्खरै सम्पन्न १२ सिजनको पाइनलले दर्शकलाई अन्तिम बलसम्मै रोमाञ्च प्रदान गर्यो।
यसक्रममा अन्तिम बलसम्मको खेलमात्र रोमाञ्चक रहेन। मुम्बई ईन्डियन्सलाई समर्थन गर्दै क्रिकेट हेर्न एक युवतीले पनि लाइमलाइट आफूतर्फ आक्रषित गर्न सफल रहिन्। टेलिभिजन लाइभका दौरान उनी पटक-पटक टेलिभिजन स्क्रिनमा देखिइन्।
फलस्वरूप फाइनल खेलसँगै उनको पनि चर्चा भयो।
पटकपटक देखाइएपछि दर्शकहरूमा स्वभाविक चासो उठ्यो यी सुन्दरी को हुन्?
तत्कालै उनका बारेमा केहि नखुलेपनि अब यी सुन्दरीको परिचय खुलेको छ।
यी सुन्दरीको नाम अदिति हुन्दिया हो। पेसाले उनी मोडल हुन भने उनले केही सुन्दरी प्रतियोगितामाको उपाधिमा कब्जा पनि जमाइसकेकी छन्। उनी मिस सुपरानेशनल इन्डिया-२०१८ की ताज विजेता हुन्। यसै उपाधि विजेताका रूपमा उनले केहि अन्तराष्ट्रिय मञ्चमा भारतको प्रतिनिधित्व गरेकी छन्।
उनी मिस इण्डिया-२०१७ मा मिस राजस्थानका रूपमा प्रतियोगी समेत बनेकी थिइन्।
यसैगरी फाइनलमा मुम्बई ईण्डियन्सलाई समर्थन गरेपनि उनी विराट कोहली र महेन्द्र सिंह धोनीको फ्यान हुन्।
