प्रधानमन्त्री केपी शर्मा ओलीले काभ्रेपलाञ्चोकको बनेपा नगरपालिका–१० मा निर्माण हुने ‘सिनेपा’ नामक चलचित्र छायाङ्कन स्टुडियोको शिलान्यास गरेका छन्।
४२ रोपनी जग्गामा निर्माण हुने उक्त स्टुडियो सुविधासम्पन्न छायाङ्कन स्थल हुनेछ।
प्रधानमन्त्री निवास बालुवाटारमा मंगलबार चलचित्र विकास बोर्डले गरेको कार्यक्रममा प्रधानमन्त्री ओलीले स्टुडियो निर्माणको शुभारम्भ गरेका हुन्।
देशमा चलचित्र निर्माण सुरू भएको ६ दशक पूरा हुँदा पनि सुविधा सम्पन्न स्टुुडियो निर्माण नभएकामा चलचित्र क्षेत्रमा आबद्ध निर्माता तथा कलाकारले गुनासो गर्दै आएका थिए।
