गोर्खा वारियरको रेडकार्पेट प्रिमियर (तस्बिरहरू)

नवीनबाबु गुरूङ

काठमाडौं, फागुन १०

चलचित्र गोर्खा वारियरको रेडकार्पेट प्रिमियर शो सम्पन्न भएको छ।

बुधबार साँझ काठमाडौँको सिटी सेन्टर स्थित बिग मुभिजमा आयोजित चलचित्रको प्रिमियर शोमा नेपाली चलचित्र क्षेत्रका हस्तीहरू तथा विभिन्न राजनीतिक दलका नेताहरूको उपस्थिती थियो।

नेकपा एमालेका अध्यक्ष केपी शर्मा ओली, राप्रपा अध्यक्ष राजेन्द्र लिङ्देन पनि चलचित्रको प्रिमियर शो हेर्न गएका थिए।

आगामी शुक्रबारदेखि देशभर प्रदर्शनमा आउने चलचित्र ‘गोर्खा वारियर’मा सन् १९४९ मा मलायाको जङ्गलमा गोर्खा सैनिकले लडेको लडाइँको कथालाई प्रस्तुत गरिएको छ।

चलचित्रमा रितेश चाम्स, विजय लामा, रेविका गुरूङ,सुरज तमु, रियर राई, शिशिर बाङ्देल, कविता आले, विरूप घले, सारा राईलगायत कलाकारले अभिनय गरेका छन्।

लन्डन सिनेआई प्रोडक्सन र चाम्स इन्टरटेन्मेन्टको सहकार्यमा निर्माण भएको फिल्मको निर्माता सुस्मिता वाइबा र सुमन राई हुन् भने कार्यकारी निर्मातामा प्रशान्त थापा र राजेन्द्र घिमिरे छन्।

नेपाल र मलेसियामा छायांकन गरिएको फिल्मको कथा निर्देशक चाम्स र गिरिराज घिमिरेले तयार पारेका हुन्।

रविन्द्र न्यौपाने र बाबु श्रेष्ठले छायांकन गरेको फिल्मलाई मिलन श्रेष्ठले सम्पादन गरेका छन्।

प्रिमियर शोका तस्बिरहरू:

Gurkha-warrior-(24)-1708574681.jpg