भारतको मध्यप्रदेशमा भएको 'फाइट अफ दि नाइट टुर्नामेन्ट' मा नेपालका रविन्द्र धात विजयी भएका छन्।
उनले पुरूष ६३ केजी तौल समूहमा जित निकालेका हुन्।
भारतीय खेलाडी कृष्ण प्यासीविरूद्धको उक्त खेलमा रविन्द्र उत्कृष्ट लयमा देखिएका थिए।
दोस्रो राउन्डमा उनले विपक्षी खेलाडीलाई नकआउट गर्दै जित निकाल्न सफल भए।
रविन्द्र नेपालको चर्चित जिजुत्सु प्रशिक्षक तथा खेलाडी डिविज पियाको लक एन्ड रोल क्लबमा विगत दुई वर्षदेखि विशेष प्रशिक्षणमा छन्।
उनको व्यवसायीक जितको रेकर्ड अहिलेसम्म ६-० रहेको छ।
