ए डिभिजन राष्ट्रिय फुटसल लिग पोखरामा हुने भएको छ। प्रतियोगिता आगामी असोज २ गते सुरू हुने अखिल नेपाल फुटबल संघ (एन्फा) ल जनाएको छ।
प्रतियोगितामा ६ प्रदेशका १० टिमले भाग लिनेछन्। टिमहरूले छनोट पार गरेर राष्ट्रिय लिगमा स्थान पक्का गरेका हुन्।
विजेताले १० लाख रुपैयाँ पाउनेछ भने उपविजेतालाई ५ लाख प्रदान गरिनेछ।
उत्कृष्ट खेलाडी, गोलकिपर, डिफेन्डर, प्रशिक्षक र इमर्जिङ खेलाडीले जनही २५ हजार पाउनेछन्।
प्रतियोगिताको पहिलो खेलमा द राइजिङ क्लब धरान र स्काई गोल्स काठमाडौंबीच खेल हुनेछ। हेर्नुहोस् खेल तालिका
सहभागी टिमहरू
प्रदेश १ : फुटसल फाइभ धरान, राइजिङ क्लब धरान
बागमती प्रदेश : ढुकु फुटसल हब, शंखमुल फुटसल, प्रभातफेरी युथ क्लब, स्काइ गोल्स फुटसल
गण्डकी प्रदेश : स्पोर्ट्स क्यासल, सबिन मेमोरियल फुटसल क्लब
लुम्बिनी, कर्णाली र सूदूरपश्चिम प्रदेश : लुम्बिनी फुटसल, झरना स्पोर्ट्स क्लब
