एएफसी फुटसल च्याम्पियनसिप छनोट फुटसलको तेस्रो खेलमा पनि नेपाल पराजित भएको छ। नेपाल तुर्कमेनिस्तानसँग ९–३ गोलले पराजित भएको छ। नेपालका लागि कप्तान सुरज राउत, निर्मल गुरुङ र नवीन लामाले एक–एक गोल गरेका हुन्।
नेपाल यसअघि नै च्याम्पियनसिप छनोटबाट बाहिरिसकेको थियो। दोस्रो खेलमा पराजय भोगेसँगै नेपाल छनोट हुन असफल भएको थियो।
इरानमा भइरहेको छनोटको दोस्रो खेलमा नेपाल किर्गिस्तानसँग ५–० गोलले पराजित भएको थियो। त्यसैगरी पहिलो खेलमा पहिलो खेलमा उज्वेकिस्तानसँग १४–१ गोलले पराजित भएको थियो।
छनोटको समूह ’ए’ मा नेपालसहित उज्वेकिस्तान, किर्गिस्तान र तुर्केमेनिस्तान छन्। समूहका शीर्ष २ टिम सन् २०१८ मा चीनको ताइपेईमा हुने एएफसी फुटसल च्याम्पियनसिपमा छनोट हुनेछन्। च्याम्पियनसिपमा १६ टिमबीच प्रतिस्पर्धा हुनेछ।
