इरानमा भएको फुटसलको पहिलो अन्तरराष्ट्रिय खेलमा नेपाल पराजित भएको छ ।
आइतबार भएको खेलमा नेपाललाई उज्वेकिस्तानले १४–१ ले पराजित गरेको हो।
अखिल नेपाल फुटबल संघले दुई साताअघि मात्र राष्ट्रिय फुटसल टिम बनाउने तयारी थालेको थियो। एन्फाले एएफसी फुटसल च्याम्पियनसिप छनोटको लागि नेपाली टोली छनोट गरेर इरान पठाएको थियो।
यसै छनोट अन्तर्गतको पहिलो अन्तर्राष्ट्रिय खेलमा नेपालले हार बेहोरेको छ। नेपाली फुटसल टिमको यो पहिलो आधिकारिक खेल पनि हो।
नेपालका लागि कप्तान सुरज राउतले २२ मिनेटमा १ गोल गरेका थिए।
