रियल मड्रिड स्पेनिस लालिगा फुटबलको अंकतालिकामा शीर्ष स्थानमा उक्लिएको छ।
गएराति भिलारियललाई पराजित गर्दै रियल शीर्ष स्थानमा उक्लिएको हो।
उसले २८ खेलबाट ६० अंक बनाएको छ।
गएराति एल मद्रिगालमा भिलारियललाई रियलले २-१ गोलले पराजित गर्यो।
दुवै गोल केलियन एम्बाप्पेले हानेका थिए।
सातौं मिनेटमा जुआन फोयथले गोल गरेपछि रियल पछि परेको थियो।
एम्बाप्पेले १३ औं मिनेटमा बराबरी गोल फर्काए भने २३ औं मिनेटमा गोल थपे। उनको त्यही गोल खेलमा निर्णायक बन्यो।
जितसँगै बार्सिलोनालाई तीन अंकले उछिनेर रियल शीर्षस्थानमा उक्लिएको हो। बार्सिलोनाले रियलले भन्दा दुई खेल कम खेलेको छ। उसको ५७ अंक छ।
पराजित भएको भिलारियल ४४ अंकसहित पाँचौं स्थानमा छ।
गएराति नै भएको खेलमा मलोर्काले इस्पानोललाई २-१ गोलले, सेल्टा भिगोले भालाडोलिडलाई १-० गोलले पराजित गर्दा जिरोना र भ्यालेन्सियाले १-१ गोलको बराबरी खेले।
