नवौं राष्ट्रिय खेलकुदअन्तर्गत पुरुष ह्यान्डबलमा गण्डकीले स्वर्ण पदक जितेको छ।
पोखरा रंगशालास्थित बहुउद्देश्यीय कभर्डहलमा शनिबार भएको फाइनलमा गण्डकीले विभागीय आर्मीमाथि ४३–३६ ले पराजित गर्दै स्वर्ण जितेको हो।
पुरुष ह्यान्डबलमा स्वर्ण जितेसँगै जारी नवौं राष्ट्रिय खेलकुदमै गण्डकीलाई पहिलो स्वर्ण मिलेको हो। ८ औं राष्ट्रिय खेलकुदमा पनि गण्डकीले स्वर्ण जितेको थियो।
एपीएफले लुम्बिनीलाई ३५–१३ ले हराउँदै कास्य पदक जित्यो।
महिला ह्यान्डबलमा आर्मीले स्वर्ण जित्यो। आर्मीले एपीएफलाई १७–१६ ले हरायो। गण्डकी प्रदेशले प्रदेश–१ लाई २२–७ ले पाखा लगाउदै तेश्रो भयो।
