सगरमाथा आरोहओ गरेका सशस्त्र प्रहरी बलका सहायक निरीक्षक दन्तबहादुर छत्यालको बढुवा भएको छ।
साहसिक काम गरेको भन्दै सशस्त्र प्रहरी बलले छत्याललाई प्रहरी सहायक निरीक्षक (असई) बाट सशस्त्र प्रहरी नायब निरीक्षक (सई) पदमा बढुवा गरेको हो।
आइजिपी राजु अर्यालले बिहीबार उनलाई दर्ज्यानी चिन्ह प्रदान गरेको सहप्रवक्ता एवं डिएसपी शैलेन्द्र थापाले जानकारी दिए।
आइजिपी अर्यालले सशस्त्र प्रहरी कर्मचारीहरूले सगरमाथा आरोहण गर्नसक्छु भन्ने भावना लिई साहसिक कार्यगर्दा सबैमा हौसला मिल्ने बताए। यसले व्यक्तिको मात्रै नभई देश र संगठनको नाम समेत उच्च रहने बताए।
उनले आगामी वर्षदेखि सशस्त्र प्रहरी बल नेपालका सबै प्रदेश कार्यालयहरूमा हिमाल आरोहण गर्ने अभियान नै सुरू गर्ने बताए।
जेठ ४ गते बिहान ९ः२० बजे छत्यालले सगरमाथाको चुचुरोमा ‘सगरमाथा संवाद’ र सशस्त्र प्रहरी बल नेपालको झण्डा फहराएका थिए। छत्याल सगरमाथा आरोहण लागि वैशाख १५ गते त्यसतर्फ प्रस्थान गरेका थिए।
-1742801159.jpg)
