सिराहामा टिपरले ठक्कर दिदाँ एक जना पैदलयात्रीको मृत्यु भएको छ।
मिर्चौया नगरपालिका-७ बाख्रा बजारस्थित मिर्चैया-कटारी सडक खण्डमा टिपरले ठक्कर दिँदा पैदलयात्री ६५ वर्षीय महेन्द्र महराको मृत्यु भएको प्रहरीले जनाएको छ।
उनलाई मिर्चैया-कटारी सडक खण्डमा कटारी उदयपुरबाट मिर्चैयातर्फ आउँदै गरेको बा. प्र ०१- ००४ क २९५३ नम्बरको ढुंगा बोकेको टिपरले ठक्कर दिएको जिल्ला प्रहरी कार्यालय सिराहाका डिएसपी वीरेन्द्र पासवानले जानकारी दिए।
'महरालाई पछाडिबाट ठक्कर दिएर टिपर पल्टिएको अवस्था भेटिएको छ,' डिएसपी पासवानले भने।
टिपर चालक भने फरार रहेकाले खोज्ने काम भइरहेको उनले बताए।
