भक्तपुरमा बस अनियन्त्रित भएर घरमा बजारिएको छ।
गए राति करिव २ बजे मध्यपुरथिमी नगरपालिका-९ निकोसेरास्थित दुवाकोट मोडमा बस अनियन्त्रित भई घरमा ठक्कर खाएको जिल्ला प्रहरी परिसर भक्तपुरका डिएसपी ढुण्डिराज न्यौपानेले जानकारी दिए।
दुवाकोटबाट निकोसेरा जाँदै गरेको बा.प्र.०१-००६ ख ५९९८ नम्बरको भाडाको बस सहचालक सिन्धुपाल्चोक भोटेकोशी गाउँपालिका २ घर भई हाल सल्लाघारी बस्ने २० वर्षीय अनिल खत्रीले चलाएका थिए।
बस अनियन्त्रित भएर चार तले पक्की घरमा बज्रेको थियो।
कम्पाउण्डमा रहेको मन्दिरमा पनि क्षति पुगेको छ भने बसको अगाडि भागमा क्षति पुगेको छ।
प्रहरीले सहचालक खत्रीलाई नियन्त्रणमा लिएको छ। सहचालक खत्रीले मादक पदार्थ सेवन गरी बस चलाएका थिए।
-1747113111.jpeg)
-1746009348.jpg)
