काठमाडौंमा दुई वटा मोटरसाइकल ठोक्किँदा एक जनाको मृत्यु भएको छ।
सोमबार बिहान काठमाडौं महानगरपालिका-२२ काठमाडौं मल अगाडि सडकमा दुई वटा मोटरसाइकल ठोक्किएको हो।
दुर्घटनामा परी एक जनाको मृत्यु भएको प्रहरीले जनाएको छ।
बा.३४ प ४३२० नम्बरको मोटरसाइकल र रा.७ प ८७९५ नम्बरको मोटरसाइकल ठोक्किएका थिए।
दुर्घटना हुँदा बा.३४ प ४३२० नम्बरको मोटरसाइकल चालक ललितपुर इमाडोल बस्ने तनहुँ आँबुखैरेनी नगरपालिका-५ घर भएका ४६ वर्षीय सन्तोषकुमार गुरूङको मृत्यु भएको हो।
दुर्घटनामा गम्भीर घाइते भएका उनको राष्ट्रिय ट्रमा सेन्टरमा उपचारको क्रममा मृत्यु भएको हो।
साथै दुर्घटनामा घाइते भएका सोही मोटरसाइकलमा सवार १ जना र रा.७ प ८७९५ नम्बरको मोटरसाइकल चालकको सोही अस्पतालमा उपचार भइरहेको छ।
-1746009348.jpg)
