डिपेन्डेन्ट भिसामा क्यानडा लैजाने भनेर ठगेको आरोपमा एक जना पक्राउ परेका छन्।
दोलखा वैतेश्वर गाउँपालिका-८ घर भई हाल भक्तपुर मध्यपुर ठिमी नगरपालिका-३ बस्ने २७ वर्षीय सुजिता अधिकारी पक्राउ परेकी हुन्।
उनलाई काठमाडौं उपत्यका अपराध अनुसन्धान कार्यालयको टोलीले बिहीबार पक्राउ गरेको हो।
उनले डिपेन्डेन्ट भिसामा क्यानडा लैजाने भनि प्रलोभन पारेर २० लाख रूपैयाँ ठगेको आरोप छ। सोही आधारमा उनलाई पक्राउ गरिएको अपराध अनुसन्धान कार्यालयको एसपी काजीकुमार आचार्यले जानकारी दिए।
उनलाई अपराधिक लाभ (एक्टर्सन) सम्बन्धी कसूर मुद्दामा म्याद थप गरी अनुसन्धानका लागि जिल्ला प्रहरी परिसर काठमाडौं पठाइएको छ।
-1746009348.jpg)
