कास्कीको सेती नदीमा बेपत्ता भएका युवकको शव फेला परेको छ।
पोखरा महानगरपालिका–१४ खाल्टेमसिना स्थित सेती नदीमा बेपत्ता भएका युवकको शव निकालेको सशस्त्र प्रहरी बलका सहप्रवक्ता एवं डिएसपी शैलेन्द्र थापाले जानकारी दिए।
बागलुङको निसिखोला गाउँपालिका–३ घर भई हाल सोही महानगरपालिका स्थित मझेरीपाटन बस्ने १८ वर्षीय युवराज वि.क. नदीमा पौडी खेल्ने क्रममा सोमबार दिउँसो २ बजेतिर बेपत्ता भएका थिए।
उक्त जानकारी पाएपछि सशस्त्र प्रहरी बल, नेपाल नं. २४ कालिका गण कास्कीबाट सशस्त्र प्रहरी निरीक्षक भोला श्रेष्ठको कमाण्डमा गोताखोरको टोली खटिएको थियो।
गोताखोरको टोलीले १८ फिट गहिराइबाट डेढ घण्टापछि शव निकालेको डिएसपी थापाले बताए।
-1746009348.jpg)
