मकवानपुर र ललितपुर जोड्ने डाइभर्सन पुल बगाउँदा कान्ति लोकपथ सडकखण्ड फेरि अवरूद्ध बनेको छ।
आइतबार अपरान्ह पौने ५ बजे मकवानपुरको भिमफेदी गाउँपालिका-८ र ललितपुरको बागमती गाउँपालिका-२ बीचको सिमाना रहेको डाइभर्सन पुल बगाएको हो।
कान्ति लोकपथ सडकखण्डमा त्यहाँ पुल निर्माणको काम भइरहेको छ। पुल मर्मतको काम भइरहेकाले खोलामा डाइभर्सन गर्न ह्युमपाइपहरू राखिएको थियो।
बागमतीको बहाव बढेपछि उक्त पाइपहरू बगाएको हो।
यसअघि बिहान सवा ६ बजे पनि सडक अवरूद्ध बनेको थियो। दिउँसो पौने २ बजेतिर उक्त सडक सञ्चालनमा आएपनि पुन: अवरूद्ध बनेको हो।
-1746009348.jpg)
