आफूलाई सामाजिक अभियन्ता बताउने शर्मिला वाइबामाथि आक्रमण गरेको आरोपमा दुई जनालाई प्रहरीले पक्राउ गरेको छ।
वैशाख ३ गते काठमाडौंको गोठ्ठाटार पहेँलो पुल नजिकैको मन्दिर अगाडि वाइबामाथि आक्रमण भएको थियो।
उनीमाथि टाउकोमा रड प्रहार गरेको आरोपमा काठमाडौं उपत्यका अपराध अनुसन्धान कार्यालयको टोलीले पक्राउ गरेको एसपी अंगुर जिसीले जानकारी दिए।
पक्राउ पर्नेमा मकवानपुर घर भई ललितपुरको महालक्ष्मी नगरपालिका-४ बस्ने ३५ वर्षीय शर्मिला श्रेष्ठ भन्ने शर्मिला राई र भक्तपुर चाँगुनारायण नगरपालिका-८ घर भई भक्तपुर बस्ने ४२ वर्षीय बाबु भन्ने कुवेर सिलवाललाई पक्राउ गरेको हो।
उनीहरूमाथि काठमाडौं जिल्ला अदालतबाट पक्राउ पुर्जी जारी भएपछि प्रहरीले पक्राउ गरेको हो।
थप अनुसन्धानका लागि उनीहरूलाई प्रहरी वृत्त बानेश्वर पठाएको एसपी जिसीले जानकारी दिए।
प्रहरीले ज्यान मार्ने उद्योग कसुरमा अनुसन्धान अघि बढाएको हो।
-1745408832.jpg)
