प्रहरीले राजावादीहरूले तीनकुनेमा गरेको हिंस्रक प्रदर्शनमा अनुमानित ४६ करोड रुपैयाँको क्षति भएको विवरण सार्वजनिक गरेको छ।
चैत १५ गते राजावादीहरूले तीनकुनेमा गरेको हिंस्रक प्रदर्शनमा अनुमानित भौतिक क्षति ४६ करोड ९० लाख ८५ हजार रुपैयाँ भएको जिल्ला प्रहरी परिसर काठमाडौंका एसपी अपिलराज बोहोराले जानकारी दिए।
उनका अनुसार सिसिटिभीमा क्षति पुग्दा अनुमानित १० लाख ७१ हजार रुपैयाँको क्षति भएको छ। दुई र चार पांग्रे सवारीसाधन गरी अन्दाजी ६ करोड ८७ लाख रुपैयाँको क्षति पुगेको छ।
यस्तै घर, सुपर मार्केट, मिडिया तथा अन्य कार्यालयमा तोडफोड गर्दा ३९ करोड ९२ लाख रुपैयाँको क्षति पुगेको उनले बताए।
-1743155871.jpg)
-1746009348.jpg)
