काठमाडौंमा प्रहरी जवान पदको लिखित परीक्षा दिइरहेका ६ जना नक्कली परीक्षार्थी पक्राउ परेका छन्।
शनिबार काठमाडौं महानगरपालका-१० स्थित रत्नराज्य माध्यामिक विद्यालयमा भइरहेको प्रहरी जवान पदको लिखित परीक्षा दिइरहेका नक्कली परीक्षार्थी पक्राउ परेका हुन्।
दोलखा जिरी नगरपालिका-९ घर भई हाल काठमाडौं बालाजु बस्ने २३ वर्षीय मोहन सुनुवार, कालिकोट शुभकालिका गाउँपालिका-७ घर भई काठमाडौं लैनचौर बस्ने २४ वर्षीय गोपाल शाही, सुर्खेत बिरेन्द्रनगर नगरपालिका-५ घर भई हाल काठमाडौं माछापोखरी बस्ने २२ वर्षीय मनोज शर्मा पक्राउ परेका छन्।
त्यस्तै, दैलेख भैरवी गाउँपालिका-५ घर भई बानेश्वर बस्ने २२ वर्षीय आकाश खड्का, सुर्खेत बिरेन्द्रनगर नगरपालिका-११ घर भई माछापोखरी बस्ने २० वर्षीय उमेश शर्मा र जुम्ला तिला गाउँपालिका-२ घर भई हाल बालाजु बस्ने २२ वर्षीय मिन रावल पक्राउ परेका हुन्।
उनीहरूले अन्य व्यक्तिको नाममा परीक्षा दिइरहेका थिए। जाँचको क्रममा पक्राउ गरिएको जिल्ला प्रहरी परिसर काठमाडौंका एसपी अपिलराज बोहराले जानकारी दिए।
उनका अनुसार आइतबार जिल्ला अदालत काठमाडौंबाट ५ दिनको म्याद थप गरेर उनीहरूमाथि अनुसन्धान भइरहेको छ।
.jpg)
