भक्तपुरमा ९४ वर्षीय वृद्ध मृत बुधबार साँझ फेला परेकी छन्।
भक्तपुर नगरपालिका-३ स्थित साढे ५ तले घरमा ९४ वर्षीया विष्णुकुमारी त्वायनाको शव फेला परेको जिल्ला प्रहरी परिसर भक्तपुरका एसपी माधवप्रसाद घिमिरेले जानकारी दिए।
उनका अनुसार वृद्धा चौथो तलामा मृत भेटिएकी हुन्।
साढे ५ बजेतिर खबर पाएपछि एसपी घिमिरेसहितको टोली घटनास्थल पुगेको थियो। तालिमप्राप्त कुकुरसमेत झिकाइएको थियो।
परिसरले घटनाको अनुसन्धान अघि बढाएको छ। घटना शंकास्पद देखिएको एसपी घिमिरे बताए।
