रोल्पामा यात्रुबहाक जिप दुर्घटना हुँदा दश जना घाइते भएका छन्।
जिल्ला प्रहरी प्रमुख डिएसपी भरत लामाका अनुसार शुक्रबार त्रिवेणी गाउँपालिका-३ मा बेसारेबाट दाङको तुलसीपुरतर्फ आउँदै गरेको लु १ ज २३८६ नम्बरको यात्रुबहाक जिप दुर्घटनामा परेको थियो। उकालो चढ्न नसकेर ब्याक हुँदा जिपमा सवार दश जना घाइते भएका हुन्।
यस्तै, जिपमा चालकसहित १२ जना सवार थिए भने गाडी साहु र चालक प्रहरी नियन्त्रणमा रहेको डिएसपी भरत लामाले बताए।
जिल्ला प्रहरी प्रवक्ता रोहितकुमार शाहीका अनुसार घाइतेमध्ये एक जनाको खुट्टा फ्याक्चर भएको छ भने अन्यको अवस्था सामान्य छ।
अन्य घाइतेलाई उपचारका लागि दाङको तुलसिपुरस्थित राप्ती प्रादेशिक अस्पताल पठाइएको छ।
घटनाबारे थप अनुसन्धान भइरहेको प्रहरीले जनाएको छ।
