कैलालीमा मोटरसाइकल दुर्घटना हुँदा एक जनाको मृत्यु भएको छ।
भजनी नगरपालिका–४ कुणीमा मोटरसाइकल दुर्घटना हुँदा सुनिलकुमार थारूको मृत्यु भएको हो।
मोटरसाइकल दुर्घटनामा परी घाइते भएका थारूको उपचारका लागि काठमाडौं लैजाँदै गर्दा बाटोमा मृत्यु भएको प्रहरीले जनाएको हो।
जानकी गाउँपालिका–३ घर भएका उनी कुणीमा मोटरसाइकल दुर्घटना परेर घाइते भएका थिए।
दुर्घटनामा गम्भीर घाइते भएका थारूलाई आफन्तले उपचारका लागि कोहलपुर लगेका थिए। कोहलपुर अस्पतालमा उपचार हुन नसक्दा उनलाई थप उपचारका लागि काठमाडौं रिफर गरिएको थियो।
काठमाडौं लैजाने क्रममा बाटोमै मृत्यु भएको जिल्ला प्रहरी कार्यालय कैलालीका डिएसपी कविन्द्र बोहराले जानकारी दिए।
