पाल्पाको पूर्वखोला गाउँपालिका–६, हेक्लाङ्गमा बिहिबार बिहान जीप दुर्घटना हुँदा एकजनाको मृत्यु भएको छ।
तानसेनबाट हेक्लाङ्ग जाँदै गरेको लु १ ज ३४९९ नं को जीप दुर्घटना हुँदा हेक्लाङ्गका ४५ वर्षीय दानबहादुर रानाको मृत्यु भएको हो। दुर्घटनामा परी घाइते भएका रानाको उपचारका लागि तानसेन ल्याउने क्रममा बाटोमा नै मृत्यु भएको जिल्ला प्रहरी कार्यालयका प्रहरी नायब उपरीक्षक विनोद घिमिरेले जानकारी दिए।
जीप सडकदेखि करीब २० मिटर तल खसेको थियो। जीपमा दुईजना सवार रहेको प्रहरीले जनाएको छ।
