सिरहामा अज्ञात समूहको गोली प्रहारबाट दुई सुरक्षाकर्मी घाइते भएका छन्।
आइतबार दिउँसो अज्ञात समूहले चलाएको गोली लागेर जीतना प्रहरी चौकीमा कार्यरत प्रहरी जवान मागेराम यादव र म्यादी प्रहरी आदर्श यादव घाइते भएको जिल्ला प्रहरी कार्यालय, सिरहाले जनाएको छ ।
सुरक्षा चेकजाँचका क्रममा मोटरसाइकलमा आएका दुई जना मध्ये एक जनाले गोली चलाएको प्रहरीले जनाएको छ।
उनीहरूलाई उपचारको लागि बिपी कोइराला स्वास्थ्य विज्ञान प्रतिष्ठान धरान लगिएको छ।
घटनाको थप अनुसन्धान भइरहेको जिल्ला प्रहरी कार्यालय, सिरहाले जानकारी दिएको छ।
