सिरहाको कल्याणपुरमा कांग्रेसलाई पछि पार्दै राजपाले अग्रता लिएको छ।
हालसम्म कल्याणपुरको ४ वटा वडाको मतगणना सकिँदा तीन वटा वडामा राजपाले प्यानल सहित विजय हात पारेको छ।
एउटामा भने नेपाली कांग्रेस विजयी भएको छ।
राजपाका मेयर उम्मेदवार रामबाबु यादवले २७४६ मत प्राप्त गरेका छन्। कांग्रेसका उम्मेदवार सूर्यनाथ मण्डलले २५९० मत ल्याएका छन्। यसअघि प्रारम्भिक गणनामा सूर्यनाथ मण्डलले अग्रता लिएका थिए। एमाले भने कल्याणपुरमा कमजोर देखिएको छ। एमालेका उम्मेदवार रामपुकार शाह तेलीले ८३१ मत ल्याएका छन्।
मतगणना शुक्रबारसम्म लम्बिने सम्भावना रहेको निर्वाचन अधिकृत दीर्घराज उपाध्यायले बताए।
