नेपाली कांग्रेसका महामन्त्री गगनकुमार थापाले सामाजिक सञ्जाल सम्बन्धी विधेयक, २०८१ आपत्तिजनक रहेको बताएका छन्।
काठमाडौंमा बिहीबार आयोजित एक कार्यक्रमलाई सम्बोधन गर्दै उनले यस्तो बताएका हुन्।
उनले सरकारले संसदमा सामाजिक सञ्जाल सम्बन्धी विधेयक दर्ता गराएको तर यसलाई जस्ताको तस्तै पारित हुन नदिने बताए।
उनले सामाजिक सञ्जाल सम्बन्धी विषय प्रधानमन्त्रीदेखि हुनेवाला प्रधानमन्त्रीसम्मका लागि महत्वपूर्ण रहेको बताए।
उनले विधेयकमा रहेको विषयवस्तुहरू आधारभूत रूपमा नै गलत रहेको बताए।
विधेयकले अहिलेको पुस्ताको अधिकारलाई नियन्त्रण गर्ने बताए।
सामाजिक सञ्जालको सही प्रयोग गर्नेतर्फ लैजानुपर्नेमा डराएर नियन्त्रणमुखी विधेयक ल्याएको महसुस भएको बताए।
महामन्त्री थापाले भने, ‘प्रधानमन्त्रीदेखि हुनेवाला प्रधानमन्त्रीसम्मलाई यो विषय चाहिएको छ। त्यसको प्रमाण अहिले संसदमा आएको विधेयक हो। संसदमा आएको विधेयक आपत्तिजनक छ। त्यो विधेयक जस्ताको तस्तै पारित हुँदैन। हामी हुन दिन्नौँ। त्यसको कन्सेप्ट, फण्डामेण्ट्ली त्यो गलत छ। आधारभूत रूपमा किन गलत छ भने यसलाई नियन्त्रण गर्नुपर्छ भन्ने सोचबाट आएको छ। त्यो नियन्त्रण गर्नुपर्छ भन्ने सोचबाट किन आयो भने हामी त्योसँग डराइयो। किन डराइयो भने यो के हो भन्ने नै बुझिएन। त्यसको बारेमा चिन्तन नगर्दा बुझिएन। अहिलेको जेनजी पुस्ताले इन्टरनेट नभएको समयको कल्पनै गर्द सक्दैनन्। उनीहरूले जन्मिँदै देखेर आएका छन्। सोसल मिडिया, सोसल नेटवर्क यो अवसर हो। यसको प्रयोग पनि हुन्छ, यसको कतिपय ठाउँमा खराब प्रयोग पनि भएको छ।’
महामन्त्री थापाले सामाजिक सञ्जालबाट कोही पनि टाढिन नसक्ने बताए।
उनले सामाजिक सञ्जाल जीवनको एउटा भाग बनिसकेको बताए। –न्युज एजेन्सी नेपाल
-1753341424.jpeg)
-1746009348.jpg)
